دخيلك هــاي زعلتنـــه الأخيــــــره

دخيلك هــاي زعلتنـه الأخيــــرة

جنيت هـواي انته بعشـرتي ذنوب
ولا مره اشتكيت الحال منك

واعديهن واكًلك تصفى الكًـلوب
ولا بالظهر مره حجيت عنك

تكلمني بكلام ايعذب الحال
وابررها بجهل وبزغر سنك

انا مليت منك تغلط وياي
ولامره ذنوبك حاسبنك

بعت عشرتك كًـوه ووجهي اندار
بس بداخلي تمنيت احضنـــك

اجيتك دمعي يجري وذني العيون
عساهن بالعمى ماودعنــك

ومن يسـألوني عنك رغم الجروح
قســم احلى الكلام احجيت عنك

الناقـلك حجـي ماناصح اوياك..
ولا خايــف من اللة الهمـس بذنــك..
..........................
تلكًـــاني يمحبـوبي بالاحضـان
وعني الوجـه الأسمــر لاتــديره

بـدونـك أني طيــر وجنحــي مكسـور
وبــدونك فرحـة العـاذل جبيـرة

وتـره عيــونك بدوني تفـارك الشــوف
وبـدوني تعيـش كل عمـرك بحيـره

تلكًــاني حبيبيـي وخـذني بيديك
ولاتسمع حجي البايع ضميــره

بعـد مابيه حيل ازعل ويــــاك
دخيـــلك هــــاي زعلتنـــه الأخيــــــرة