المحيط الاطلسي لو تطلع تحركه بقلم سيف العبادي

اخبرك لاتمر من يمي اترجاك
أشرك بيك اخافن تكتل الشركه
وانه حسره بدليلي من اهدهه تفور
المحيط الاطلسي لو تطلع تحركه
شجاك تغيرت؟؟كلبك حمل الافراك
انه شكد قوي وما احمل الفركه

غيرك كلبي مايلكه....ولف راك
وامشي براك من تبعد...والف راك
جنت ورده بجمالي افخر..والافراك
كطعني وهسه محد يشم بيه

بجه لساني شعر لمن كرب الاوداع
وعليك يخاف كلبي والكلب حكه
وانه جاي اعترفلك انه مغرم بيك
حبيبي بنار هجرك كلبي لا تحركه
بوداعك عفت جفيني بأديك شلون
حاير بيش اشبكك ساعه الملكه

أنتّ بيه روحي...ام انتّ بيك
ومدري شبيه طوعا...امنت بيك
رسول بحبك انته ...وآمنت بيك
وبعيده الجنه اذا تبعد عليه