ياهو الباك روحي (جديد علي جويد البزوني)

ياهو الباك روحي (جديد علي جويد البزوني)

---

ياهو الباك روحي وفرهد الدلال
ويبجي الصخرمن جفو صارالحال
ضل يبجي اعلة حالي الشايب الخلصان
والكلبة صخر والطفل والشبان
وين ادري العشك بيه هجر لو نكران
ولا ادري اليحبني يطلع الجتال
ياهو الباك روحي وفرهد الدلال

ياهو الباك روحي واخذ ماي العين
وخلة الدمعة تذرف ترست الخدين
لو اهدها حسرتي اتبجي الصوبين
والونات صدكوني تهد اجبال
ياهو الباك روحي وفرهد الدلال

ولو تدرون كلبي الكطعتة اسيوف
جان ايذوب بس يسمع يجلمة اوف
وين الاخذ روحي وخلة حزني اصفوف
راح وما حجة وما عدنة اي اشكال
ياهو الباك روحي وفرهد الدلال

راح بغير ما يحجي ويوادع ليش
وما يدري بروحي عكبة عيب اتعيش
والله لو يردلي بوسط اكبر جيش
والله افديه بروحي وكلبي وية المال
ياهو الباك روحي وفرهد الدلال

وانشد يا حنان اليحب هيج ايصير
يهجر من يحبة ابغير كل تقصير
ما عدي قصر بس كلبي عدي اجبير
واضل عاشك ضحكتج يل شدهتي البال
ياهو الباك روحي وفرهد الدلال

اضل عاشك ضحكتج وي توالي الليل
يل كلج ترافة وهدميتي الحيل
صدكيني حنان اكليبي عيب ايعيل
وتدريني احبج مو حجي وينكال
ياهو الباك روحي وفرهد الدلال
ويبجي الصخرمن جفو صارالحال

_________